@ 
奶龍將會嚟到大埔同大家一齊賀國慶，到時會喺9月21日下午4時至10時，參與「大埔區賀國慶周年活動開幕式 — 林村河海陸空巡遊匯演」，為一連串大埔區賀國慶嘅活動揭開序幕。想知有啲咩精彩活動，就快啲去片！
奶龍除咗21/9同大家一齊玩轉林村河之外，早前亦已參與大埔區嘅義工活動。未來一星期，奶龍將會走訪大埔唔同嘅地點，與市民分享國慶嘅喜悅 同打卡添！奶龍見面會詳情如下：
日期 ：2024年9月18及19日（星期三及四）
時間 ：上午11時至11時30分
地點 ：18/9於大埔綜合大樓對出；以及 19/9於大埔廣場賽馬會投注站對出
留意返，仲有期間限定嘅「奶龍巴士」！由城巴贊助嘅奶龍79號巴士 將會喺19/9開始喺大埔出現，粉絲們沿途留意住啦！
今次921大埔賀國慶海陸空巡遊匯演，將會舉行香港首次「林村河水上舞台匯演連舞台煙火 效果」，以及「林村河水上市場」 ！當日更有匯景巡遊、國慶市集 以及已列入非物質文化遺產清單嘅「遊夜龍」 ；以大埔五大地區特色「傳統、許願、青年、體育、自然」，展現大埔獨有魅力！當然唔少得重頭戲奶龍「無人機」 匯演啦，大埔真係好玩開心又滿FUN！
約定你，21/9玩轉林村河 ！
「大埔賀國慶75週年 活動開幕式 - 林村河海陸空巡遊匯演」由大埔民政處、大埔區議會、新界社團聯會大埔地區委員會及大埔各界慶祝國慶籌備委員會合辦；香港廣西社團總會、香港漁民團體聯會、梅政雄慈善基金、香港客屬總會、善賢樂會協辦；大埔藝術中心、大埔學校聯絡委員會、永富容器為伙伴機構及城巴有限公司、大埔舊墟公立學校、聖公會莫壽增會督中學、羅定邦中學為支持機構。