@ 
一年一度中秋節又到啦！地區團體喺荃灣區舉辦咗中秋活動，為居民送上祝福 ，佳節倍感溫馨：
賀國慶 • 迎中秋 愛心月餅 顯關懷
為慶祝國慶75周年 及中秋節 ，香港中華總商會新界區聯絡處喺9月17日舉辦咗「賀國慶 • 迎中秋 愛心顯關懷綜合表演 。荃灣民政專員區家盛、香港中華總商會副會長張學修及仁濟醫院董事局主席張文嘉等出席支持 ，向200位長者 送贈愛心月餅 及福袋 ，場面溫馨。
活動安排咗豐富表演節目同幸運抽獎 ，以及獻唱懷舊經典金曲環節 ，與居民同賀國慶，共度中秋 。
荃灣區青年服務團 – 荃青送暖賀中秋2024
荃灣民政處轄下荃灣區青年服務團嘅一班青年喺日前 (15/9)舉辦咗「荃青送暖賀中秋2024」，同區內250位長者一齊賀佳節 ！
當日節目內容非常豐富，除咗同長者玩遊戲贏禮物 、魔術表演 、長幼舞蹈表演 ，仲有今屆「荃民造星4.0」嘅得獎者帶來歌唱表演 ，以及歌手獻唱經典金曲，令一班老友記手舞足蹈，笑逐顏開 ！最後，青年團嘅義工向每位老友記送上中秋福袋 同月餅 ，畀佢哋感受來自社會嘅關懷 ，共度溫暖嘅中秋節。
除左老友記開心，一班青年朋友都覺得活動好玩同有滿足感 ！期待更多青年加入荃灣區青年服務團，一齊攜手服務社區，為社區傳送溫暖 。
荃灣民政處一直致力聯繫商界、慈善團體以及青年組織共同喺區內籌辦各種不同嘅地區活動 ，將關愛信息 傳遞至區內每個角落 ，提高居民嘅幸福感 及歸屬感，體現政、商、民三方合作 ，共同締造美好嘅社區。
祝大家中秋節快樂，人月兩團圓 !
@