@ 
社會各界積極舉辦多元化而富有地區特色嘅慶祝活動 ，共慶中華人民共和國成立75周年。新界鄉議局9月15日嚟到荃灣，舉辦足球邀請賽及開球禮，與市民共賀國慶 。
民政總署署長張趙凱渝及荃灣民政專員區家盛，聯同中聯辦新界工作部副處長周文靈、新界鄉議局主席劉業強、荃灣鄉事委員會主席邱錦平、荃灣足球會主席鄧錦雄等一眾嘉賓出席，為各位參賽嘅健兒加油打氣 ，希望各位球員能夠全情投入，喺一連串嘅賽事爭取佳績 。
署長喺致辭時提到 ，地區建設工作如一場足球比賽，單靠政府為前鋒係不足以取勝，仲需要社會各界擔當中場、後衞同守門員，群策群力 ，發揮團隊精神。荃灣民政處會繼續凝聚各界力量 ，盡心竭力共建更美好嘅社區 。
感謝荃灣鄉事委員會統籌今年國慶盃嘅各項安排 ，以及荃灣足球會邀請眾多來自荃灣及各區嘅足球精英 參與賽事。預祝鄉議局國慶盃接下來嘅賽事圓滿成功 。
@ 
@