@ 
為慶祝國慶75周年，黃大仙民政處聯同地區團體籌辦一連串精彩活動 ，與民同樂 。率先打響頭炮嘅係由嗇色園主辦 、黃大仙民政處及非物質文化遺產辦事處合辦，為期3星期（15/9-6/10）嘅「賀國慶75周年嗇色園非遺薈萃綵燈節」 ，與大家共迎中秋 ，同賀國慶 。
民政及青年事務局 Home and Youth Affairs Bureau局長麥美娟、中聯辦協調部副部長陳澤濤、黃大仙民政專員胡鉅華、非物質文化遺產辦事處總監何惠儀、嗇色園黃大仙祠監院李耀輝（義覺）道長及嗇色園主席黎澤森等一眾嘉賓喺活動首日(15/9)主持開幕儀式 。
活動內容豐富 ，除咗大型花燈紮作外 ，主辦單位仲喺黃大仙廣場搭建戲棚 ，免費提供約100場精彩嘅非遺表演 ，包括廣東嘅陸豐皮影戲及潮汕英歌舞 、河北雜技同高橋 、四川變臉以及湖北武當武術等等 。
精彩節慶活動將陸續登場 ，今個中秋同國慶 ，一齊嚟黃大仙同親朋好友分享歡樂氣氛 ！
