@ 
今年中秋佳節，南區迎來兩場精彩火龍活動：「香港仔中秋火龍盛會」同「薄扶林村中秋火龍盛會」。兩場節慶活動為市民帶來難忘嘅文化盛宴，同時慶祝國慶75周年。
「香港仔中秋火龍盛會」
75位健兒穿梭喺香港仔，舞動由禾草製成嘅傳統火龍象徵風調雨順、國泰民安。巡遊仲有特別來自福田區嘅英歌巡遊隊、夜光龍、LED少年龍同燈籠隊，持續舞動約75分鐘，增添節日氣氛。
典禮邀請民政及青年事務局 Home and Youth Affairs Bureau 副局長梁宏正、 中聯辦港島工作部副部長王卉、民政總署署長張趙凱渝、多位立法會議員、南區民政專員兼南區區議會主席鄭港涌以及多位南區區議員到場，同街坊一齊慶中秋、賀國慶。
「薄扶林村中秋火龍盛會」
另一條火龍喺薄扶林村村口出發，由75位義工聯同村民組成約120人嘅舞火龍隊伍 ，佢哋會沿薄扶林道舞動至華富邨，再進入瀑布灣公園。大家同心協力，祈求平安，為每家每戶送上祝福。文化體育及旅遊局 Culture, Sports and Tourism Bureau 局長楊潤雄、中聯辦港島工作部副部長王卉、多位立法會議員、鄭港涌同埋多位南區區議員，與南區街坊一齊體驗被列入「香港非物質文化遺產代表作名錄」嘅「中秋節－薄扶林舞火龍」。
雙龍最後喺瀑布灣進行「龍歸滄海」嘅儀式，為活動畫上完美句號，祝福大家平安健康。
