@ 
荃灣民政專員區家盛9月18日出席民安隊喺荃灣圓墩訓練營舉辦嘅「探古尋源賀國慶暨圓墩鍾氏古屋博物館開放日」 。同場主禮嘉賓包括民安隊處長羅仁禮、民安處總參事梁冠康，以及荃灣鄉事委員會主席邱錦平。
圓墩訓練營不僅係民安隊及其他政府部門進行各類演練嘅地點 ，亦係民安隊少年團團員接受訓練嘅場地 。團員不但可以喺訓練營學習到各種救災同急救知識 ，亦都培養出團隊合作精神及領導才能。圓墩訓練營仲有個特別之處，營內嘅鍾氏家祠及鍾氏古屋 喺1981年經活化改建成民族博物館，並喺2010年獲評為三級歷史建築 。
一眾嘉賓同參加者尋日都參觀咗呢座珍貴嘅歷史建築 ，了解往日原居民嘅生活環境。此外，大會仲安排咗豐富多彩嘅活動，包括升旗禮、展覽、導賞團、民安隊技能示範等。大家都眼界大開，盡興而歸 。
民安隊會繼續喺22/9及29/9連續兩個星期日，為參加咗活動嘅市民安排導賞 ，畀更多市民 了解鍾氏古屋博物館，探索歷史 。荃灣民政處亦會鼓勵區內學校及青年團體到訪鍾氏古屋博物館及使用荃灣圓墩訓練營設施。
感謝荃灣鄉事委員全力支持及協助民安隊宣傳上述活動。
