@ 
深水埗青年網絡「深青躍動」嘅海外交流團，每年都讓區內同學 ️️十分期待。過去呢個星期(12-19/9)， 名深水埗學生同深水埗民政處代表就去咗芬蘭首都赫爾辛基。
為期八日七夜嘅創科文化交流團，其中一大亮點係考察當地嘅創科發展 ，如到訪KONE（通力電梯）嘅工廠 ，見識咗升降機嘅結構、製造流程同改革，包括AI科技對升降機科技發展嘅影響；以及參觀Immersal公司，體驗如何運用空間數據技術，將AR、VR、MR及XR技術融入日常生活，創建新質生產力 。除此之外，同學仔亦去到Kalasatama（為「漁港」芬蘭語）智慧社區，由導賞員展示當地以科技解決民生痛點嘅試行方案 。同學亦喺Heureka 科技館中自由探索，認識航天發展及科普知識 。
文化保育亦係同學考察嘅另一重點 。透過參訪赫爾辛基教堂、烏斯佩斯基大教堂、赫爾辛基頌歌中央圖書館、芬蘭堡等著名名勝，深深體會芬蘭嘅文化底蘊，並欣賞北歐建築，大飽眼福 。
同時，喺同中國駐芬蘭大使館及芬蘭議會大廈嘅政府官員嘅交流過程中，同學都更了解到公共行政機構嘅運作，以及中芬兩地嘅外交關係，甚具意義 。
除咗了解芬蘭科技同文化發展之外，同學都好畀心機完成城市探索仼務 ，透過街訪提升自信同溝通技巧。喺呢趟旅程中，大家可以寓學於樂 。
為推動社會大力發展創新科技 ，同時為香港發展注入新動能 ，深水埗作為智慧社區一直積極配合培育青年創科人才。深水埗青年網絡「深青躍動」舉辦各種活動畀區內青年出外探索，擴闊視野 ，從體驗中學習 。
今次行程嘅交流團由深水埗民政處青年網絡「深青躍動」舉辦，深水埗民政助理專員馮伊婧亦有參與。
@ 