@ 
今晚(22/9)將有1275架無人機，喺東區上空同大家歡度國慶75周年。東區民政處19/9晚上就進行咗無人機星空預演，為活動作最後準備。當睇到「飛龍吐珠」、「太空登陸」、「國寶熊貓」、「北角電車」等一幕幕璀璨奪目嘅圖案，實在令人嘆為觀止。
當日活動除咗天上無人機，仲有地下文藝匯演。唔只有中西樂交織演奏，全港最長嘅375米「夜光龍」亦會再現眼前，同埋75位同學仔共舞，畀大家享受一場「上天下地」嘅視聽饗宴！
有飛嘅朋友，記住準時入場！每位參加者更可憑門票，獲贈精美禮物包乙份，先到先得，派完即止！拎唔到飛嘅朋友亦唔使失望，到時可以去小西灣海濱花園欣賞無人機表演，齊賀國慶。
活動詳情：
9 月 22 日（星期日）
下午 7 時至 8 時 45 分（5時45分開始入場）
小西灣運動場（富康街入口）
如天氣不穩定，當日活動有機會改期／取消，當日請留意民政總署Facebook專頁公告。
