@ 
東區滅罪會、防火會及6️個分區會委員分別喺16/9同20/9，參觀位於香港歷史博物館嘅國家安全展覽廳。東區民政助理專員趙雯雅同傅耀男亦有出席，與三會委員一齊了解國家安全嘅重要性。
委員一行走遍展覽廳6大展區，喺導賞員嘅詳盡介紹下，了解中華人民共和國嘅成立、國家象徵標誌嘅設計、「總體國家安全觀」20個安全領域、「一國兩制」及香港維護國家安全嘅法律。
此外，展區設有三維短片、互動遊戲 、「國安小衛士」動畫 、月球土壤同長征五號B運載火箭模型等珍貴展品，以生動有趣嘅方式，向參觀人士講解維護國家安全嘅重要性以及展示國家嘅偉大成就。
相信經過今次參觀，三會成員都對國家安全有更深刻認識，有助佢哋喺區內推廣國家安全教育，弘揚愛國主義精神。
