@ 
南區關愛隊慶祝國慶活動多籮籮！22/9就有由鴨脷洲邨關愛隊主辦嘅慶祝中華人民共和國成立75周年愛我中華文化藝術承傳成果分享會及嘉年華！
鴨脷洲邨關愛隊呢兩個月悉心籌辦咗一系列傳統文化藝術工作坊，包括中國舞、書法、水墨畫等。中聯辦港島工作部綜合處科長鄭凱儀、南區民政助理專員陳芷羚同南區區議員都到場支持，參觀學員所展示嘅學習成果。
一系列活動唔只增強咗社區凝聚力，仲推廣中華傳統文化，畀年輕一輩更深入了解國家同民族嘅文化，提升佢哋嘅歸屬感。舞台上嘅朋友傾力演出，台下嘅粉絲就熱情投入。
現場仲設有一系列以推廣中華傳統文化為題嘅合家歡攤位同工作坊！唔少街坊睇到心郁郁，話出年如果有類似活動，都要把握機會報名參加添！
