@ 
國慶75周年嘅大日子將至！北區民政處喺區內社區會堂、避雨亭同上水回歸紀念園精心布置，分別掛咗國旗、區旗、海報同橫額，喺主要道路仲掛咗燈柱彩旗，畀市民一齊感受喜慶氣氛！
除此之外，民政處又喺區內人流暢旺嘅地點布置咗國慶燈飾，包括：
北區大會堂
粉嶺港鐵站往蓬瀛仙館嘅行人天橋
上水港鐵站往上水廣場嘅行人天橋
新運路與沙頭角公路（龍躍頭段）迴旋處
國慶燈飾以「國富民強慶賀華誕」為題，20/9-15/10每晚6點到10點亮燈。燈飾璀燦耀目，大家不妨去欣賞燈飾打打卡，一齊歡度國慶！
除咗政府準備嘅裝飾之外，亦有團體喺上水彩園邨布置燈飾賀國慶，以香港嘅傳統手藝 - 竹棚搭咗個樓高兩層、上面有金龍與熊貓嘅城堡，仲有一條由750個燈籠砌成嘅彩燈隧道，成為居民熱門打卡點！
