@ 
北區民政處一向致力協助居民做好大廈管理。繼今年5月同6月舉行咗兩次大廈管理證書課程後，9月24日同龍山同鳳水兩個分區委員會合辦「2024北區大廈管理簡介會」，仲請咗唔同政府部門介紹樓宇管理知識畀業主同管理公司知道相關最新發展。
簡介會內容豐富。廉政公署代表講解咗樓宇維修可能觸及嘅防貪法例同誠信管理措施；消防處代表就講解消防安全（建築物條例），同埋點樣遵辦消防安全指示；以及屋宇署代表解釋強制驗窗驗樓計劃細節。
簡介會除咗有區內業主同管理公司代表出席之外，幾位北區區議員包括温和輝、柯倩儀、曾勁聰、劉鎮海、胡景鵬及賴心都有參加，為居民解決疑難。希望參加者學以致用，改善大廈管理！
