@ 
喺9月25日，荃灣警區邀請咗荃灣區內各持份者，包括：荃灣撲滅罪行委員會主席羅少傑先生MH JP、副主席嚴徐玉珊女士MH、荃灣商會理事長朱德榮先生MH、副理事長李智鋒先生、荃灣區議員葛兆源先生MH、伍俊瑜先生以及區內逾10間大型連鎖店嘅負責人喺荃灣警署舉行一個預防店舖盜竊座談會。
座談會內容包括區內的罪案趨勢分析 、常見犯案手法 、防店舖盜竊嘅建議及警區打擊策略。
荃灣警區推行嘅「安荃網」計劃，希望透過整合社區嘅網絡 ，連結區內各持份者，將防罪訊息快速傳遞開去！發揮警民合作共同守護社區嘅能力。
未來警區會繼續與社區合作，以及進行大型落區活動提醒商戶，致力打擊店舖盜竊行為。
@ 
@