@ 
為慶祝國慶75周年，深水埗民政處喺區內設置各式各樣嘅裝飾，為營造熱鬧喜慶氣氛，同市民一齊慶祝呢個大日子。大家經過深水埗區，不妨去以下重點位置打卡：
節慶燈飾：長沙灣道嘅燈飾每逢晚上就會亮燈，互相輝映，成條大街即刻增添濃厚嘅節慶氣氛 。
國旗及區旗旗海：區內社區會堂、學校同埋政府大樓都懸掛咗旗幟。今年喺長沙灣社區中心更作新嘗試，以傾斜式旗杆展示國旗區旗，可從多角度觀賞旗幟飄揚 ，一齊感受節慶氣氛 。
大型橫額、橫額及路旁街燈彩旗：橫額紅色設計相當吸睛 ，大家快啲去區內商場如西九龍中心、其他建築物及景點如楓樹街遊樂場打卡啦！抬頭望亦會見到長沙灣道、荔枝角道一帶街燈懸掛大量紅色嘅彩旗，甚為壯觀 。
深duck：一大一細可愛嘅深duck已換上慶賀國慶嘅展牌，喺麗閣商場對出空地同你一齊共賀國慶，快啲黎探佢哋啦！喺饒宗頤文化館同海盈邨嘅「深duck」過兩日亦會同大家見面。
大型愛心裝置：最新地標長沙灣海濱公園碼頭放置嘅浪漫愛心裝置，只要兩人一齊將手掌觸碰心跳感應 ，就會點亮閃爍嘅心跳燈光 ，旁邊仲有霓虹流線型裝飾添，色彩繽紛。
深水埗民政處同各地區團體嚟緊會舉辦多場慶典活動及有其他打卡點，大家千祈唔好錯過：
深水埗區慶祝中華人民共和國成立75周年空氣淨化機送暖行動
1/10@ 深水埗體育館（下午3時半至4時半 ）
慶祝中華人民共和國成立75周年 — 「同心熊貓海濱遊 非遺文化齊體驗」主題展覽活動
31/10/2024-15/2/2025 @長沙灣海濱公園
亮點項目 慶祝中華人民共和國成立75周年：別出「深」裁 — 時裝設計比賽2024總決賽
29/11 @ AIRSIDE（下午5時 ）
