@ 
由中西區民政處及第十四屆中西區區節統籌委員會合辦嘅大型花燈展覽，已經喺中環皇后像廣場展出啦！
花燈由夏中建師傅設計，以金龍獻瑞，彩馬呈祥為題，龍馬穿梭起舞，呈現生氣盎然景象，寄寓祖國富強昌盛。花燈更紮有如意結，數量多達7500個，代表市民喺國慶75周年對祖國嘅祝福。
亮燈儀式9月26日圓滿舉行，政務司副司長卓永興 WH Cheuk、中聯辦港島工作部部長薛惠君、懲教署署長黃國興、民政總署副署長易志宏、中西區民政專員梁子琪、活動聯席召集人兼港區全國政協委員葉永成、區節統籌委員會主席周超常、香港賽馬會對外事務總經理黎淑禎、港區全國政協委員兼立法會議員蘇長荣、活動顧問葉國謙大紫荊勳賢等一眾主禮嘉賓，一齊為呢個意義非凡嘅展覽揭開序幕！
中西區多次舉辦大型花燈展覽，歷年嘅花燈屢次打破世界紀錄。而今次展出嘅大型花燈，更再一次以花燈上嘅7500個如意結打破世界紀錄，獲得國際肯定。
傳統紮作技藝獲列入「香港非物質文化遺產代表作名錄」，呢個花燈展覽正好實踐文化傳承。花燈展期至11月，大家快啲把握機會叫埋親朋好友一齊嚟影相打卡，一齊慶祝同分享祖國成立75周年嘅喜悅。
一齊去片，以及睇睇留言欄嘅片，重溫盛況啦！
