@ 
為響應文化體育及旅遊局「好客之道」運動 ，葵青民政處、葵青區青年發展及公民教育委員會、荃灣葵涌及青衣區中學校長會及葵青區青年發展網絡（青發網）28/9舉辦咗葵青區「好客之道」宣傳推廣活動，與區內青年攜手 推廣「好客之道」信息 ，營造友善禮貌嘅社區氛圍 。
約40位嚟自葵青區青發網及區內多間中學嘅青年，齊齊化身「好客大使」 ，聯同葵青民政專員鄧顯權、葵青區青年發展及公民教育委員會主席陳藹怡、副主席盧婉婷，以及主委王聰穎，一齊喺葵涌廣場外面，落力向市民同旅客派發印有葵青區特色地標嘅環保袋 ，宣傳葵青區嘅景點如葵涌貨櫃碼頭、青馬大橋 、汲水門大橋同葵青劇院 ，畀大家認識更多葵青區嘅獨特魅力同時，亦弘揚待客之道 。
現場嘅「好客大使」仲幫忙宣傳民政及青年事務局嘅HKYouth+ 手機應用程式 ，介紹呢個App嘅實用功能同豐富嘅青年資訊 。好多途人都即場掃描QR code，睇下有咩精彩活動適合自己參加 ！
@ 