@ 
觀塘民政處、觀塘區議會同九龍社團聯會觀塘地區委員會今日（29/9）喺觀塘市中心自由空間（裕民坊）合辦慶祝中華人民共和國成立75周年「觀塘心連心賀國慶升旗禮」 。
政務司副司長卓永興 WH Cheuk、民政總署署長張趙凱渝、中聯辦九龍工作部副部長祝小東、憲法和基本法推廣督導委員會愛國主義教育工作小組委員王惠貞、九龍社團聯會觀塘地區委員會主任黃春平、觀塘區議會地區設施及工程委員會主席柯創盛、香港觀塘工商業聯合會永遠榮譽會長楊孫西、港區全國人大代表陳振彬、立法會議員鄧家彪和顏汶羽連同各嘉賓出席典禮，與三千名觀塘市民及學生共同慶祝國慶75周年 。
升旗禮喺今早舉行，出席人士包括觀塘各界籌委會成員、觀塘區議員、觀塘區三會委員、觀塘區關愛隊成員、觀塘區多所中小學、制服團體、觀塘地區組織同市民一同參與升旗儀式，分享國慶喜悅 。同時，大會亦剪輯咗區內學校喺校內升旗活動嘅片段 喺舞台屏幕上播放 ，象徵觀塘區各界心連心同賀國慶 。
大會亦安排國際知名鋼琴家牛牛作現場表演 ，亦有香港警察銀樂隊步操演奏 同觀塘區啦啦隊 演出，場面熱鬧 。
政務司副司長卓永興喺出席升旗禮致辭時表示國家 年來帶領人民砥礪奮進 ，逐步走上繁榮富強嘅道路 ，國家發展一日千里 ，成就驕人 。今次活動凝聚過千名觀塘區各界人士 ，一同向國旗肅立致敬，表達對中華民族的深厚感情 ，展示觀塘區愛國愛港、團結一致的精神 。副司長亦喺活動中向觀塘各界籌委會主席及執行主席 頒發感謝狀，並與籌委會合照，感謝佢哋籌集資源，充份運用地區網絡 ，為觀塘區嘅居民用心策劃多個國慶活動 。
升旗禮完結後，部分參與升旗禮嘅觀塘區學生 隨即出發參觀昂船州解放軍駐港部隊展覽中心 。同學仔先後參觀咗「中國夢」 、「強軍夢」及「香江衛士」等三個主題展廳，了解國家嘅輝煌成就 同解放軍嘅光輝歷程 。同學仲喺過程中一齊觀賞以開國大典為背景嘅影片、學唱「歌唱祖國」、喺心願牆上寫上對祖國嘅美好祝願，切身感受愛國情懷 。
祝願祖國繁榮昌盛，香港經濟騰飛，觀塘順順利利！
特別鳴謝「觀塘各界慶祝中華人民共和國成立七十五周年籌委會」（籌委會）贊助是次活動 。
@