@ 
重陽將至，一眾孝子賢孫會登高祭祖，以表孝心 。西貢區防火委員會主席邱錫琪、消防處九龍東分區指揮官朱敏超及一眾防火會委員聯同西貢民政處、西貢消防局及寶林消防局，尋日(28/9)喺西貢新碼頭、西貢海濱公園、將軍澳灣畔徑及將軍澳華人永遠墳場入口，向登高及掃墓嘅朋友派發防火宣傳紀念品 同單張 ，提高居民及掃墓人士嘅防止山火意識 。消防處亦出動滅火輪及快艇，分別喺西貢市碼頭及灣畔徑宣傳船上防火意識，吸引眾多巿民圍觀 。
除咗尋日嘅宣傳活動，西貢區防火委員會亦喺區內懸掛橫額，提醒掃墓人士喺重陽節期間小心慎防山火 。 西貢民政處亦喺認可殯葬區鄰近位置剪草 並放置化寶桶便利市民拜祭時焚燒冥鏹。雜草少啲，發生嘅山火風險都會減低 ！
風高物燥 易生山火！大家掃墓時，切記將香燭火種徹底淋熄先離開，以免引起山火，共同守護西貢區同大自然環境
