@ 
由九龍東區各界聯會、觀塘民政處、觀塘區議會國民教育推廣委員會及觀塘區青年發展及公民教育委員會合辦嘅「慶祝中華人民共和國成立75周年 ─ 去觀塘有「風」 的地方之民族文化體驗長廊」由今日（28/9）起至1/10喺觀塘海濱公園 舉行。
一眾嘉賓主持開幕儀式 ，包括政制及內地事務局副局長胡健民、中聯辦九龍工作部副部長祝小東、民政總署副署長易志宏、觀塘民政專員暨觀塘區議會主席何立基、觀塘地區青年發展及公民教育委員會主席暨九龍東區各界聯會會長李誌峰、發展局起動九龍東專員靳嘉燕、廣州市越秀區區政協主席、立法會鄧家彪、顏汶羽議員及觀塘區議員等，場面熱鬧！
活動内容非常豐富 。會場有特色省份景色嘅打卡點及介紹，可以喺西藏布達拉宮、新疆火焰山 、廣西德天瀑布 、貴州苗寨 及雲南洱海S灣嘅佈景下打卡影相。現場仲有學生穿著民族服飾巡遊擔任活動宣傳大使 ，同大家合照，讓大家一下子就置身喺國家不同著名旅遊景點其中 。亦設有中華美食市集，畀大家一嘗金華火腿味雪糕 、四川麻辣燙、肉夾膜、新疆桑葚、提子乾及廣式糕點等美食 ；參加者仲可以喺傳統文創市集買到富有中華文化特色嘅漂染扇、國潮彩繪、非遺樹葉吹奏樂器等精品。
想學嘢嘅朋友可以到民族文化工作坊，落手落腳學習製作剪紙及面譜 、扎染及東巴文字等傳統民族工藝品。而鍾意打機 嘅朋友，更加唔好錯過喺現場有神級高手同大家分享「黑神話:悟空 」攻略 ，同喺現場試玩。而入夜後唔好咁早返屋企住，大家可以喺主舞台空地前大跳民族篝火舞蹈 ，盡慶而歸！
相信大家參與完活動後 ，一定可以了解多一啲國家唔同地方嘅文化，藉此增強對國家嘅認識，對國民身份嘅認同 以及對國家嘅歸屬感，體現愛國愛港嘅精神 ！
去觀塘有「風」 的地方之民族文化體驗長廊」開放至1/10國慶假期。歡迎大家帶埋朋友屋企人一齊嚟玩！到時見！
@