@ 
屯門國慶活動繼續嚟！28/9就輪到由新界社團聯會同屯門民政處合辦、新界社團聯會屯門地區委員會協辦嘅「中華文化耀屯門嘉年華」。嘉年華節目富有傳統中國文化色彩、現場氣氛熱鬧，一家大細都玩得非常開心。
民政及青年事務局副局長梁宏正同其他主禮嘉賓，包括中聯辦新界工作部部長李薊貽、行政會議成員及新界鄉議局主席劉業強、屯門民政專員關可臨、屯門警區指揮官吳國章，以及活動贊助華潤集團嘅代表，喺新社聯會長陳勇、理事長譚鎮國同新社聯屯門地委會主席雲天壯陪同下主持啟動儀式，為嘉年華會揭開序幕。
嘉年華嘅節目內容多元化，大會安排咗一連串精彩嘅舞台表演，包括英歌舞、變臉、民族舞及國樂等富有中國特色嘅傳統文化節目。
