@ 
荃灣民政處喺過去一星期舉辦咗多項適合年青人參與嘅75周年國慶活動，共享喜悅之餘，亦加深年青人對祖國嘅認識同歸屬感
中小學及制服團體升旗儀式暨中式檢閱
29/9，荃灣各界慶祝國慶籌委會、荃灣民政處及荃灣區議會喺沙咀道遊樂場舉行咗「中小學及制服團體升旗儀式暨中式檢閱」，由香港青少年軍國旗護衛隊帶領區內多隊中小學及制服團體組成嘅方隊參與中式步操。民政總署副署長王婉蓉擔任檢閱官，鼓勵受閱方隊隊員繼續積極參與社區建設。其他出席的嘅主禮嘉賓包括荃灣民政專員區家盛、中聯辦新界工作部副部長李功勛、荃灣各界慶祝國慶籌委會主席陳曉津區議員等。
一眾參與升旗及步操嘅隊員都氣宇軒昂、精神抖擻，展示出高度團隊精神與默契。升旗儀式盡顯區內青少年嘅愛國情懷，加強年青人嘅國家民族意識，實踐愛國主義教育 。
【外交菁英講堂系列——「中國外交知識講座」】
日前（26/9），荃灣民政處聯同香港菁英會、荃葵青中學校長會、荃灣區議會、荃灣區青年發展及公民教育委員會合作推出「中國外交知識講座」，旨在提高青年對國家外交事務嘅認識。活動由外交部駐香港特派員公署擔任指導及派員親臨講解，共有來自 間荃灣及葵青區中學，合共超過 名學生參與。荃灣民政專員區家盛亦到場參與支持。
當日有外交部駐港特派員公署國際部王劍向學生致勉辭 ，公署領事部張清秀亦介紹咗外交部如何透過「領事保護」保障海外國民安全及合法權益，並分享真實個案。一眾同學都把握寶貴機會，聚精會神聽外交官分享，並且積極 向嘉賓發問及搶答問題，氣氛熱烈。大家聽完講座都表示對國家外交工作有更深體會 。
【荃城青年才藝匯演 】
上周末（22/9），一班充滿活力嘅荃灣青年朋友喺荃灣大會堂參與「荃城青年才藝匯演」，以精彩嘅才藝表演，同區內居民一齊熱烈慶祝國慶 。
荃灣民政助理專員關俊傑、新界社團聯會副會長陶桂英及多位荃灣區議會議員擔任主禮嘉賓 。青年朋友為現場觀眾獻上舞蹈表演、二胡演奏、合唱環節等精彩項目 。活動除咗展示荃灣青少年嘅青春活力，更令在場觀眾如痴如醉，全場掌聲不斷 。
@