@ 
國慶75周年嘅大日子將至！觀塘民政處已經喺觀塘市中心、區內社區會堂 、觀塘海濱同主要道路精心布置大型燈飾、掛上國旗、區旗、橫額以及燈柱彩旗，與市民同賀國慶 。
觀塘民政處喺區內人流暢旺嘅裕民坊 設置咗兩座極具特色嘅大型燈飾 裝置；又喺駿業里行人天橋、九龍灣站行人天橋換上賀國慶燈飾，吸引咗好多居民路過時打卡 留念，一齊歡欣賀國慶 。
除咗喺區內張燈結綵，觀塘民政處、觀塘區議會聯同區內嘅團體亦籌備咗一系列大型慶祝活動。我哋預備咗活動日誌，一圖看清區內國慶期間重點大型活動 ，歡迎大家同朋友分享 。
1、「觀塘心連心賀國慶升旗禮」 @ 觀塘市中心自由空間（裕民坊）
29/9：鋼琴家牛牛、警察銀樂隊、觀塘區啦啦隊匯演；3000名觀塘區居民同學生出席嘅大型升旗禮
2、「去觀塘有風的地方」@ 觀塘海濱公園
28/9 - 1/10：畀居民體驗祖國各民族嘅獨特文化
3、「中華婚儀文化巡禮」 @ 觀塘市中心自由空間（裕民坊）
12 - 14/10：讓居民從傳統婚儀文化中認識家庭和諧 嘅重要性
4、一年一度嘅皇牌節目「金曲樂韻匯觀塘」 @ 浸會大學大學會堂
19 - 21/10 ：以音樂凝聚社區
願祖國國富民強 ，香港繁榮興旺，觀塘順順利利，市民安居樂業 !
@