@ 
為慶祝中華人民共和國成立75周年，沙田各界慶委會 、沙田民政處及心意習特地籌辦「時光 共映．銀髮 婚紗夢」，邀請咗75對年屆75歲嘅長者穿起婚紗 同禮服 拍攝婚照 。既可重溫昔日年輕時嘅浪漫 時刻，亦可畀親友子女見證多年來嘅同偕白首之約。
沙田民政專員余懷誠、中聯辦新界工作部副部長朱宜華、沙田各界慶委會主席莫錦貴、沙田各界大聯盟主席潘國山同一眾主禮嘉賓於9月27日到沙田大會堂外平台，為活動主持啟動禮 。啟動禮邀請咗兩對長者 ，分享五十年來相濡以沫嘅時光 。佢哋嘅真摯分享令在場人士都深受感動，場面既溫馨 又感人。
沙田區全新打卡點 「沙田精神號」藝術裝置 亦於當日正式亮相與市民見面 。「沙田精神號」標誌著香港首架動力飛機1911年喺沙田成功起飛 嘅壯舉，亦象徵著為夢想而奮鬥 嘅精神。藝術裝置由1140顆燈泡 及470枝金屬柱組成，呈現出「沙田精神號」不同嘅優美影態。「沙田精神號」藝術裝置嘅展期由即日起至明年2月，每晚6點至10點更會亮燈。大家記得把握機會嚟打卡啦。
@