@ 
九龍城民政專員蔡敏君日前(23/9)率領區議員、三會以及關愛隊一眾成員到訪醫療輔助隊總部 ，了解呢個由公務員及接近5000名志願者組成嘅輔助醫療服務團隊，並與團隊進行交流 ，加強社區聯繫 。
醫療輔助隊總參事黃英強同佢嘅團隊詳細介紹咗各項服務，當中包括恒常應急行動、急救單車服務 、救護車服務 、社區醫療急救及健康教育服務 等，亦展示咗日常使用嘅應急醫療設備，如急救背囊 、緊急救護車及救護電單車 ，然後更即場示範心肺復甦法及自動體外心臟去顫器(AED) 嘅使用方法。
過程中，大家試孭重達6.2公斤嘅急救背囊 ，體驗醫療輔助隊隊員嘅日常。大家都好感謝志願隊員對社區嘅無私奉獻，守護市民嘅健康 。
大家亦了解到醫療輔助隊嘅未來發展動向，當中包括支援第15屆全國運動會嘅急救服務、擴大單車徑急救服務 嘅覆蓋範圍到啟德及其他地方等。
專員感謝醫療輔助隊嘅悉心安排，並期望民政處、區議會、三會、關愛隊與醫療輔助隊未來能夠繼續保持緊密聯繫 ，共同努力建構更安全及健康嘅社區 。
@ 