@ 
深水埗區約有44,000 名劏房居民，生活空間狹小，容易造成室內空氣混濁，困擾唔少劏房戶 。
趁住國慶，深水埗尋日(1/10)就舉行咗「深水埗區空氣淨化機送暖行動 」啟動禮，同街坊共賀國慶之餘 ，亦透過活動為區內居民送上暖意 ，提升居民幸福感。
今次送暖行動由關愛隊上門向劏房戶分批免費派發 部袖珍版空氣淨化機，改善劏房嘅混濁空氣 。唔好睇淨化機機身細細，最高可以減少 80% PM2.5 濃度嘅懸浮微粒 、過濾新型冠狀病毒 、致敏原 ，保障住戶健康 ，仲非常慳電 ！
活動亦邀請到社區應急輔助隊升旗；以及視障青年音樂家蕭凱恩及基層青年小提琴手李靖甫攜手帶嚟音樂表演，場面氣氛熱鬧 。
願國家富強昌盛 ，香港繁榮進步 ，人民安居樂業 。
活動展現政、商、民、學團結一心，民政及青年事務局局長麥美娟、民政總署副署長王婉蓉、深水埗民政專員黃昕然、香港廣西社團總會會長文頴怡、東華三院主席鄧明慧、香港遼寧社團總會常務副會長彭楚夫、大灣區社創公益總會會長楊淼，以及籌委會主席蔡朝旭，嶺大創業行動總監高永賢均有到場支持，與居民一齊親手組裝空氣淨化機。
項目由深水埗民政處、香港廣西社團總會主辦；東華三院、香港遼寧社團總會、大灣區合辦；深水埗居民聯會、羅志超議員辦事處支持，桂港扶弱基金會贊助。
