@ 
由觀塘民政處主辦，為期 10個星期 、超過20間企業 及逾20個行業支持 ，接近80位青年參與嘅「青年躍動@樂觀派-生涯發展及職業體驗計劃2024 」圓 結束 ，呢個計劃嘅成果分享會早前（28/9）亦順利舉行 ！
參與計劃嘅觀塘區青年喺暑假把握機遇，積極裝備自己，計劃內容包括不同嘅求職、面試及儀容工作坊、影子體驗活動 、職業實習計劃 、職業講座，不同公司嘅體驗日，行業包括銀行及金融業 、初創企業、航空業、公共行政、電訊業 、 交通運輸業 、酒店業 、醫護業 等。
民政及青年事務局 Home and Youth Affairs Bureau副局長梁宏正、觀塘民政專員何立基、觀塘區議會屬下青年委員會副主席兼觀塘區青年社會建設委員會主席張琪騰、觀塘區青年發展及公民教育委員會副主席李淑媛同蔡捷成，聯同觀塘區青年發展網絡諮詢委員會委員、各參與計劃嘅公司／機構代表、參與學校嘅校長及老師出席成果分享會 。副局長致辭時鼓勵青年積極規劃未來嘅職業生涯，努力裝備自己成為有理想，具世界視野嘅香港青年，日後把握機遇為國家、為香港貢獻所長 。
成果分享會上除咗有學員分享感受，曾有20年公共服務管理經驗、其後負責企業顧問工作嘅李家俊，亦同各位青年分享自己嘅心路歷程，現場個個都滿載而歸 ！
今次參與計劃嘅青年都非常主動好學，珍惜不同行業前輩嘅指導 ，而各行業代表亦分享咗唔少經驗同行業內不為人知嘅趣事 。好多企業代表都話觀塘區青年好好 ，期待各位觀塘青年畢業後加入佢哋公司 。
今次成果分享會亦匯聚一眾觀塘區嘅青年，以及從事青年發展工作嘅地區夥伴，副局長同觀塘區區議員亦把握機會 向年青人推廣民青局設計嘅HKYouth+青年手機應用程式，呢個程式提供一站式資訊同活動詳情，內容切合年青人嘅喜好 ，大家都覺得非常有用，仲即場下載 添 ！
觀塘民政處會繼續做好青年發展嘅工作，並同社會各界攜手並肩 ，為年輕人創造一展所長、成就夢想嘅環境。今次活動嘅經歷，亦會成為青年成員嘅寶貴回憶 ，引領佢哋勇於追夢 ！ 我哋特別輯錄咗計劃嘅相片、活動花絮同短片 ，畀大家見證學員嘅成長歷程 。
@ 
@