@ 
荃灣民政處聯同荃灣區議會及荃灣各界慶祝國慶籌委會，1/10國慶日舉辦咗五個不同類型嘅慶祝活動，共吸引超過2400人參與，讓市民共享國慶喜悅 。
國慶綜合文藝晚會
喺荃灣大會堂舉辦嘅「國慶綜合文藝晚會」，係荃灣國慶活動嘅重頭戲之一，匯聚一眾才藝高超嘅表演者，為在場觀眾呈獻多元化嘅文藝表演。活動亦有荃灣民政專員區家盛、警務處新界南總區指揮官麥展豪助理警務處長、中聯辦新界工作部副部長李功勛等擔任主禮嘉賓，共賀國慶 ！
國慶盃青少年足球邀請賽
喺沙咀道遊樂場舉行嘅「國慶盃青少年足球邀請賽」盡顯青年活力，一眾足球運動員同場競技，施展渾身解數，呈獻精彩嘅足球競技，以青春活力同賀國慶 。
國慶盃中國象棋賽2024
嚟自不同界別嘅朋友分為兒童組、青年組及公開組三個組別，喺荃灣大會堂參與「國慶盃中國象棋賽2024」，切磋棋藝，以棋會友，弘揚象棋呢項中華文化嘅傳統國粹。
親子同樂嘉年華
一眾爸爸媽媽帶同小朋友喺雅麗珊社區中心參與「親子同樂嘉年華」，一齊欣賞小朋友嘅精彩表演，暢玩攤位遊戲，與區內居民一齊熱烈慶祝國慶 。
梨木樹賀國慶嘉年華
喺梨木樹社區會堂舉辦嘅「梨木樹賀國慶嘉年華」，由荃灣區梨木樹東及梨木樹西關愛隊協辦，為居民上演精彩嘅歌舞表演，與各位街坊居民歡度國慶 。
現時至11月初，荃灣區仲有十多項國慶活動陸續推出 。大家密切留意，積極參與 。
@