@ 
位於啟德車站廣場嘅打卡點喺九月底落成，並喺尋日（4/10）舉行咗啟動禮！九龍城民政專員蔡敏君聯同「三會」及兩個地區青年委員會嘅正副主席主持別開生面嘅亮燈儀式，為活動揭開序幕，見證以舊機場為主題嘅打卡點盛大啟航。
活動邀請到香港街頭藝術協會嘅年青表演者獻唱。喺悠揚嘅歌曲襯托著車站廣場美麗嘅景色下，一眾嘉賓同街坊都紛紛打卡，留下最美好嘅時光。專員喺活動入面更聯同一眾年青人合唱「我們的家」，唱出愛國情懷，場面溫馨動人。
啟德車站廣場打卡點以特色裝置，將啟德舊機場嘅情懷重現喺大家眼前。打卡點包含以下大裝置：
1. 立體地畫: 踏入呢個空間，飛機正在跑道上展翼高飛 ，近距離飛越九龍城鬧市。大家打卡嘅時候謹記參考旁邊嘅拍攝小貼士，並加入你無窮嘅創意，拍攝出只屬於你嘅打卡照片。
2. LED霓虹燈燈牌: 仿霓虹燈效果嘅LED燈牌展示現今旅遊嘅經歷，由收拾行李，到旅遊目的地盡情吃喝玩樂嘅各個畫面。呢啲影像一定會喚起你去旅行嘅回憶，令你即刻想計劃下一個旅程。
3. 舊啟德機場航班資訊板: 看似一個普通嘅航班資訊板，其實隱藏重大玄機 。仔細觀察 ，航班編號、目的地、時間等都係別具含意。大家過嚟打卡嘅時候可以試吓解讀入面嘅密碼。
4. 復古行李車: 現場特意放置咗堆滿懷舊行李箱嘅手推車畀大家打卡，並為你嘅照片增添復古風味。
大家快啲嚟啟德車站出口附近嘅打卡點體驗呢個融合歷史、創意同航空元素嘅迷人空間啦！打卡嘅同時，仲可以去附近嘅大型商場，滿足你嘅食、買、玩需要；亦可以去附近綠草如茵、人寵共融嘅大草地放電。期待與你喺啟德相見！
@