@ 
感謝天公造美，由東區民政處主辦、香港島各界聯合會及香港東區各界協會合辦嘅「祥龍獻瑞 東區無人機暨文藝大匯演」2/10喺小西灣運動場成功舉行，將東區賀國慶嘅氣氛推向高潮。
今年係中華人民共和國成立75周年嘅大日子，大會特意安排1275架無人機，喺音樂伴隨下喺小西灣上空變幻出多幕精彩場景，生動演繹祥龍獻瑞、航天科技、巨大國旗、熊貓寶寶、心心相印、東區吉祥物「東東」等圖案，現場觀眾紛紛高舉手機，為無人機成功起飛，同埋精彩嘅表演歡呼叫好。
大會特別安排「上天下地」嘅表演。除咗無人機，仲有精彩嘅文藝大匯演。喺今年5月「18區日夜都繽紛」首次出現嘅「夜光龍」再度閃耀登場。今次仲加長至375米，由160名東區居民，包括關愛隊隊員、東區區議員一齊舞動，向觀眾送上祝福，共同祝願國家迎來更輝煌嘅成就！
今次活動仲有不少兒童和青少年參與演出，分別有伊斯蘭脫維善紀念中學的升旗隊、蘇浙公學約70位學生舞出青春活力、東區青少年兒童合唱團、同埋東區歌唱比賽冠軍李灃恩以悅耳歌聲唱出對國家嘅愛！透過連串精彩演出，與市民同賀華誕。
當日錯過咗活動嘅朋友不用失望，我哋預備咗精華片段，與你一齊重溫。相片亦喺留言欄，重溫昔日盛況！
