@ 
西貢區青年社區建設委員會、西貢區青年發展及公民教育委員會聯同將軍澳區三間中學( 保良局甲子何玉清中學、威靈頓教育機構張沛松紀念中學及順德聯誼總會鄭裕彤中學)學生 喺星期四(3/10)參觀港鐵學院 ，以協助青年了解本港鐵路系統嘅運作及發展 ，提升佢哋對公共運輸事業嘅興趣同認識。
港鐵代表先詳細講解學院課程 ，畀大家了解港鐵日常營運 、未來發展計劃，以及智能鐵路科技如何提升乘客體驗 。大家更有機會參觀綜合訓練設施室，體驗港鐵職員嘅工作環境 ，並嘗試模擬駕駛VR觀塘線列車，同學反應踴躍。
除咗實地參觀，學院亦安排分享環節 ，由代表向青年介紹鐵路行業嘅發展前景及就業機會 ，大大加深同學對鐵路系統嘅認識 ，同時提升佢哋投身相關行業嘅興趣 。
經過今次參觀，委員與學校師生對港鐵營運有更深認識 ，同學都表示今次參觀獲益不少！
民政處仲同兩個青年委員會落力向各同學推介Youth+app，邀請同學即場下載，以便日後可得到更多參加青年活動報名消息！
