@ 
深水埗區嘅核心區域由上世紀初填海建成，時至今日，唔少大廈都已超過50年歷史。
為應對樓宇老化、落實復修同重建並行策略，立法會今年18/7通過《2024年土地（為重新發展而強制售賣）（修訂）條例》。發展局 Development Bureau隨後喺8月底成立「強拍條例小業主專責辦事處」，負責統籌和督導條例通過後嘅後續工作，並委託及督導「強拍條例小業主支援中心｣，為小業主提供更全面同到位嘅支援服務 。
強拍條例小業主支援中心今年27/8已經喺深水埗區汝州西街開幕，辦事處亦於當日投入服務，為公眾及受強拍申請影響嘅小業主同租客提供服務。
為咗加強對地區支援，發展局同支援中心日前(4/10)邀請咗深水埗區議員同關愛隊成員參觀，了解更新及精簡後嘅強拍制度（包括降低強拍申請門檻及精簡強拍制度嘅法律程序等），以及中心為小業主 提供調解、法律服務轉介及情緒輔導等支援服務。席間一眾區議員同關愛隊成員都踴躍發問，與發展局及支援中心代表互相交流。深水埗民政專員黃昕然亦有出席簡介會。
透過連繫區議會、關愛隊，加強宣傳和公眾教育，相信支援中心可以提供更到位嘅一站式服務，幫助小業主排難解紛，提高市區重建效率 。
中心地址：深水埗區汝州西街777-783號6樓D室
電話：2156 8050
