@ 
為慶祝國慶75周年，深水埗區過去一周舉辦咗多項精彩活動：
1.共慶國慶嘉年華
美孚南、中、北關愛隊日前（5/10）喺荔枝角公園攜手舉辦「共慶國慶嘉年華」，深水埗民政專員黃昕然亦有出席，與市民歡度國慶。
嘉年華活動多姿多彩，既有國慶文藝演出，又有萬里長城填色創作活動，畀大家感受濃厚國慶氣氛。最受歡迎嘅係熊貓打卡點，街坊都踴躍影相，非常開心。
2.童心賀國慶．文藝表演
文藝表演6/10喺石硤尾社區會堂圓滿舉行。節目豐富精彩，包括舞獅、粵劇、體操、歌唱表演及跆拳道等。區內參與演出嘅小朋友，位位表現專業，技藝精湛，在場觀眾拍案叫絕。
活動由民建聯深水埗支部主辦，深水埗民政助理專員賴皓亭、中聯辦九龍工作部副處長張翰、立法會議員鄭泳舜及多位深水埗區議員亦有到場支持，為表演嘅小朋友打打氣，與民同樂。
3.松悅園耆融護養院奬學金計劃啟動禮
為表揚深水埗區品學兼優及熱心公益服務嘅基層家庭學生，松悅園耆融護老院成立「松悅園耆融護養院奬學金計劃」，支持同學嘅學業需要，以及鼓勵佢哋保持優秀表現。
啟動禮喺5/10 舉行，除咗同學及家長，亦有一眾嘉賓出席支持，齊齊勉勵一眾莘莘學子縱使家庭資源缺乏，仍保持正面、積極生活及學習態度 。
深水埗民政專員黃昕然、中聯辦九龍工作部副處長張翰、立法會議員陳恒鑌及鄭泳舜、民建聯深水埗支部主席陳偉明亦出席支持，為同學打打氣。
深水埗民政處會繼續與地區團體，合辦多項精彩嘅賀國慶活動。
@ 