北區青年赴南洋團員分享會

北區青年網絡「北極虹」5日4夜新加坡交流團早前順利完成。北區民政處上星期六（5/10）舉辦分享會，畀參加交流團嘅虹仔虹女重聚，講下喺交流團嘅得着！

交流團安排咗佢哋去新加坡各個著名景點，寓學習於娛樂，透過遊覽增加對當地嘅認識。交流團又安排到訪新加坡嘅機構同大學，令團友增進對「一帶一路」國家嘅了解。除咗有助增廣見聞，虹仔虹女亦認為參加交流團提升佢哋嘅溝通能力，仲同其他團友建立友誼，收穫滿滿！