@ 
為慶祝國慶75周年，東區關愛隊費盡心思，舉辦多個「繽Fun」活動！務求東區居民玩得盡興，齊賀國慶！一齊睇吓活動精華啦！
打響頭炮嘅係「十八區國慶樂悠遊」！東區關愛隊陪伴430位街坊參與4個本地一日遊，探索香港！到訪大澳、關帝廟、新基大橋等，亦遊覽香港濕地公園、流浮山、屯赤公園、將軍澳跨灣大橋等，加深大家對香港嘅認識同歸屬感。最後必定唔可以走寶嘅，就係到東區打卡熱點「流光溢彩耀東區」@ 東區文化廣場，齊齊欣賞亮燈後嘅花園！睇吓啲相幾靚，色彩繽紛攞足100分！
提提大家，裝置藝術展期至17/10，快啲叫埋朋友仔去「打卡」留念！
感謝 東區各界關愛及發展基金會 同 香港鐵路有限公司 贊助紀念品送畀街坊，令大家十分盡興！
東區關愛隊嘅國慶活動當然唔止咁簡單！ #柏架山關愛隊 舉辦嘅「慶祝回歸五人足球比賽」同 錦屏關愛隊 舉辦嘅「國慶綜藝表演暨北協盃籃球邀請賽」，透過動感十足嘅足球、籃球比賽，畀區內青年喺節慶日感受有如國家克服重重困難，迎來今日嘅繁榮穩定嘅體驗！一眾球員親身體驗國慶意義，學習堅毅不屈嘅體育精神，充分體現東區活力！
由 阿公岩關愛隊 及 筲箕灣關愛隊 合辦嘅「賀國慶75周年 東區繽紛嘉年華」，亦充滿活力！嘉年華有悅耳嘅古箏表演，亦有新穎嘅太陽能模型車攤位遊戲等，帶大家認識國家文化同科技發展，大小朋友都玩得好開心！
東區關愛隊賀國慶嘅活動「繽Fun」又多元，嚟緊關愛隊會繼續服務社區，將關愛帶畀市民！祝願祖國富強昌盛，香港繁榮穩定！
