@ 
東區星月同行計劃嘅友師同學員繼續攜手進行生涯規劃，踏上第二階段結伴之旅。
東區民政處、東區青年發展及公民教育委員會聯同合作伙伴香港青年協會賽馬會筲箕灣青年空間，喺星期日(6/10)舉行咗「東區星月同行計劃~ The Journey」啟動禮。
回顧喺上年10月展開嘅「東區星月同行計劃」第一階段「結伴闖明天The Linkage!」，組成咗4️個「師友結伴小組」，以4R為主題，分別為「Recharge」、「Refresh」、「Recover」及「Relax」，安排咗多項友師學員關係建立支援活動。
至於今年9月開始嘅第二階段「The Journey」，則以6S (Self-understanding自我認識、Strengthen增強、Sensation感知、Share分享、Solidify鞏固及Showcase展示)為主軸，並以「性格透視」貫穿整個計劃，為學員提供全方位嘅支援及深化活動，畀佢哋積極探索未來及裝備自我，亦可以了解友師及朋輩嘅寶貴經驗，全方位實踐生涯規劃。
東區民政專員陳尚文喺啟動禮勉勵學員，透過第二階段嘅多元化活動，體驗不同職業嘅工作內容，從而認識個人強項和弱項，裝備自己，為將來選科、職業路向作出更理想嘅生涯規劃。各位亦喺富有個人成長啟導經驗嘅人生教練帶領下，完成有趣嘅性格透視體驗活動，初步認識自己嘅性格特質、現今職業市場特徵及發展。
大家都好興奮，期待喺嚟緊19-20/10號嘅「2日1夜性格透視訓練營」可以更深入認識自己，找出職業路向。請大家繼續密切留意佢哋嘅發展動向！
