重陽節鄉郊防火講座@大埔

重陽節將至，為加強宣傳預防山火，大埔區防火委員會、大埔民政處、大埔消防局及大埔區消防安全大使名譽會長會最近喺大埔鄉事委員會及西貢北約鄉事委員會嘅會議上舉行「鄉郊防火講座」，呼籲各位村代表燃燒冥鏹時一定要用化寶筒，平日亦要小心處理石油氣，仲同各村代表溫故知新，示範滅火筒嘅使用方法。

一眾防火會委員、消防局代表及大埔區消防安全大使名譽會長派發除草手套畀兩個鄉事委員會，呼籲村民喺重陽節時用手套除草，唔好用火除草，提高大家嘅防止山火安全意識。