@ 
荃灣民政處聯同荃灣區議會及荃灣各界慶祝國慶籌委會，過去兩星期喺區內舉辦多項文藝活動，一齊回顧下啦 ：
中國傳統戲曲（閩劇）
中國傳統戲曲（閩劇）表演喺5/10舉行，上演《潼關情》及《太真傳》等精彩傳統劇目，觀眾可欣賞閩劇嘅獨特唱腔同精美服飾。荃灣民政專員區家盛、荃灣警區指揮官羅家康及立法會議員陳恒鑌及郭玲麗等擔任主禮嘉賓，同觀眾一齊歡賀國慶 ！
經典粵劇欣賞會
25/9舉辦嘅「經典粵劇欣賞會」，上演經典粵劇《龍鳳爭掛帥》，講述上官雲龍同司徒文鳳一對歡喜冤家嘅良緣故事，為在場觀眾呈獻精彩表演。荃灣民政助理專員關俊傑、荃灣歷屆區議員聯誼會主席陳耀星、新界社團聯會副會長陶桂英等，為當晚活動擔任主禮嘉賓，共賀國慶 ！
經典名劇耀中華
6/10舉行嘅經典名劇耀中華，由荃灣民政助理專員關俊傑、立法會議員陳恒鑌、荃灣歷屆區議員聯誼會主席陳耀星等擔任主禮嘉賓。表演團體落力演出，為在座觀眾帶來一場視聽盛宴，一起感受中華傳統名劇嘅獨特魅力同豐富內涵，歡度國慶 。
75箏·茶匯Live
5/10舉行嘅75箏·茶匯Live，畀參加者喺品茗 聽樂 嘅同時，亦輕鬆了解欣賞中國千年傳統藝術，共同慶祝國慶75周年 ！
