@ 
喺10月10日，荃灣警區人員安排咗一個參觀警署嘅活動畀荃灣萌兒幼稚園一班K3學生 。
首先一班可愛又聰明嘅小朋友 ，喺我哋安排嘅「角色扮演話劇」入面扮演住小幫手 ，向警察提供犯人重要嘅線索，最後成功捉拿偷電話嘅犯人，相當抵讚 。
之後，我哋除咗介紹咗警察日常巡邏裝備 ，報案室工作 ，套取指模嘅過程之外，又畀佢哋坐警車同影相留念 。最後，由警察領犬員介紹警犬隊 ，當中除咗講解警犬嘅日常巡邏工作，爆炸品搜索犬仲有個即場示範搜索爆炸品 環節，畀小朋友了解搜索過程，睇到佢哋拍爛手掌 ，而佢咃仲可以同警犬玩同埋合照 。
今次參觀活動希望令一眾小朋友從小培育小心保管自己同身邊嘅財物 嘅重要性，第日如果遇到罪案時，更加要挺身而出，主動向警察提供資料，協助警方撲滅罪行，加強 公民守法意識。
@ 