@ 
一連三日嘅世界運動會香港巡迴賽（11-13/10）喺大埔區全新運動場地 — 西沙Go Park Sport進行！世界各地33個國家嘅運動員爭奪獎牌（今次比賽獎牌嘅金屬原料係低碳原材料，獎牌上仲有大埔地標回歸塔！）及成都世運入場券。大埔民政處盡地主之誼，當然全區力撐，出任世運會香港巡迴賽2024社區夥伴，以體育連繫社區！
今次作為世運會香港巡迴賽2024嘅社區夥伴，事前派出大埔區青年網絡青年義工聯同本地藝術家安泰，收集回收膠樽、廢紙等環保物料，製作75隻不同造型嘅熊貓，其中大青成員仲製作咗燒賣、蛋撻同平安包畀熊貓做道具，非常有香港特色！
