@ 
10月12日，由香港灣仔區各界協會主辦，灣仔警區、灣仔民政事務處、香港交通安全隊、香港海事青年團、香港升旗隊總會、伊斯蘭脫維善紀念中學以及香港民安隊協辦，喺灣仔修頓球場進行制服團隊步操匯演，並由民政事務總署署長 張趙凱渝太平紳士擔任檢閱官。
步操匯演首先由灣仔區少年警訊支會佛教黃鳳翎中學嘅同學仔擔任持旗手，持旗進場，並奏唱國歌。檢閱官喺主禮致詞中慶祝國慶、推廣國民教育以及讚揚各制服團隊嘅中式步操整齊一致，隊員專注十足，對香港年輕人寄予厚望！睇到唔同制服團體嘅中式步操真係令人好感動呀，步操匯演最後壓軸出場仲有灣仔區聖公會聖雅各小學，唔好睇佢哋人仔細細啊，步操起上嚟昂首闊步、英姿颯爽，真係雞皮疙瘩啊！
