北區「三無」大廈洗邋遢

北區民政處運用地區主導行動計劃嘅撥款，每季都會清潔「三無」大廈，改善公用地方嘅衞生情況，秋季嘅清洗行動已經開始啦！

清潔承辦商日前就到粉嶺聯和墟嘅「三無」大廈，上樓清潔公用地方，並喺樓梯同天台噴殺蟲水同放鼠餌盒，預防蚊蟲滋生同老鼠出沒。除咗「洗地」，亦會「洗樓」，向住戶派發載有衞生同防治鼠患嘅傳單；並積極呼籲住戶擔任居民聯絡大使，向其他居民推廣妥善管理大廈嘅信息，目標係協助居民成立業主立案法團，好好管理自己地方！