@ 
為慶祝國慶75週年，觀塘民政處同觀塘區議會12 - 14/10喺觀塘市中心自由空間（鄰近裕民坊）合辦「禮敬中華 · 愛傳萬家 ─ 觀塘區獻禮中華人民共和國成立75周年中華婚儀文化巡禮」活動 。活動獲羅勤芳中華禮儀、香港史學會、香江會-滙天下同埋饒宗頤文化館嘅全力支持 。
政制及內地事務局局長曾國衞、民政總署署長張趙凱渝、中聯辦九龍工作部副部長祝小東、觀塘民政專員暨觀塘區議會主席何立基、多位立法會議員、觀塘區議員同支持機構代表12/10出席開幕典禮 。一眾觀塘區議員同關愛隊隊員更喺場內砌咗個「 75」數字，同祖國講聲 75歲生日快樂 。
一連三日嘅活動內容豐富，除咗有婚嫁專家講解中國傳統及港式婚嫁禮儀外 ，場內亦展示不同年代嘅中華傳統婚嫁服飾及用品，畀市民了解中華婚嫁傳統文化嘅發展同傳承。會場更設有展板，展示由香港史學會同饒宗頤文化館所提供中國傳統婚嫁習俗及婚俗文化嘅豐富資料。
另外，現場亦設置「茶禮傳天下」展示區同埋茶 文化分享會，畀市民了解中華婚嫁「三茶六禮」嘅傳統習俗 。大會亦安排咗十多項富有中華文化特色嘅表演節目，例如「旗舞」及「只此青綠」古典舞蹈等 。
多位模特兒仲喺婚服盛裝秀中，展示五個不同朝代嘅婚服。會場亦設有藝術打卡裝置 畀市民喺富有中國傳統特色嘅背景下拍照留念 。另外，大會邀請到兩對區內出生1949年、與新中國成立同歲嘅夫婦 同大家分享，以婚嫁傳承致敬中華「根」、中華「情」 。
透過呢啲活動，相信大家必定能對國家嘅優秀傳統文化有更深入了解，明白到「家和萬事興」嘅傳統智慧 ，從而厚栩愛國愛港嘅情懷 。活動仲有一日先結束，大家今日有時間記得約埋家人朋友嚟睇下啦
