@ 
咦？點解最近喺深水埗區內周圍都見到深DUCK 嘅蹤影嘅？佢哋每隻仲好似有唔同造型。
等記者深DUCK親自解釋吓先！
繼早前喺麗閣商場對出中央空地第1次同市民見面之後，深DUCK其他分身都希望喺深水埗呢個奇趣又貼地嘅社區，同居民近距離接觸，齊齊慶祝國慶75周年呢個大日子！
深DUCK會出現喺一啲大家成日經過，但又意想唔到嘅地方。畀啲貼士：大家可以留意吓深水埗區內嘅電話亭（欽州街青山道交界、石硤尾社區會堂對開、百老匯街美孚廣場對開、長沙灣廣場2期對開、長沙灣道黃竹街交界及青山道興華街交界）、鴨寮街近地鐵站出口附近嘅燈柱同渠蓋、海盈邨休憩公園 、饒宗頤文化館，深DUCK等緊大家過嚟加「深」認識同打卡㗎 ！
話你知 ：深DUCK同特首嚟緊星期三宣讀施政報告當日打嗰條呔，一樣都係理大師生設計㗎。
