@ 
油尖旺區關愛隊成立咗一年，尋日(14/10)舉行跨部門分享會，全部20隊關愛隊代表同相關部門見面，多位關愛隊隊長分享經驗同感人個案。
油尖旺民政專員兼關愛隊總指揮余健強再次感謝各位嘅付出，除咗喺華豐大廈大火幫手，大家過去一年：
探訪/接觸超過7 100個有需要住戶 ;
提供超過810次簡單家居維修或其他支援服務 ;
舉辦超過420次關愛活動 。
活動除咗有近日陸續舉行嘅十八區國慶樂悠遊，仲有各隊合辦嘅少數族裔師友計劃、少數族裔合唱團，同《國安有法 你我有責》舞台劇等。
關愛隊亦參與唔同主題嘅訓練，裝備自己。
民政處將會繼續統籌關愛隊同區議員等嘅協作，特別係大廈管理方面嘅支援，做到 #民政幫到你 。
@