@ 
荃灣幻彩繽紛國慶遊
荃灣區13/10舉辦咗一個特別嘅國慶活動， 個基層家庭同一班地區組織人士一齊上船暢遊，途經維多利亞海港、青馬大橋同汀九橋，欣賞絕美嘅海港景色。當船隻到達荃灣對開藍巴勒海峽嘅時候，剛好係日落時分，醉人景色令參加者讚嘆不已。
大會仲為大家預備咗荃灣地道特色美食 ，一邊欣賞迷人嘅香港夜景一邊享用，更於維港中央近距離觀看「幻彩詠香江」燈光音樂匯演 。
中聯辦新界工作部副部長李功勛、荃灣民政專員區家盛、荃灣警區指揮官羅家康、立法會議員陳恒鑌及郭玲麗、荃灣各界慶祝國慶籌委會主席陳曉津等一眾嘉賓亦同大家共聚一堂，同賀國慶！
感謝珠江船務企業（集團）有限公司贊助今次活動。同日珠江船務亦與荃灣各關愛隊簽署合作安排書，船公司將每月提供75張船票，讓荃灣基層家庭人士免費參加維港遊活動，充分體現政商民嘅合作精神 。
「魅力荃城賀國慶 幻影飄色市集樂繽紛」活動預告
嚟緊17 - 21/10（一連五日）係沙咀道遊樂場將會舉行荃灣區慶祝國慶75周年亮點活動「魅力荃城賀國慶 幻影飄色市集樂繽紛」 。
活動由荃灣民政處、荃灣區議會及荃灣各界慶祝國慶籌委會共同合辦，集合大型市集、光影匯演以及飄色巡遊三大元素，除咗可以畀大家盡情購物及品嚐美食之外 ，亦可以欣賞光影匯演，同埋参與充滿動感及藝術氣息嘅飄色巡遊 。大家係咪已經急不及待想參加咁精彩嘅活動呢？
記得參考以下活動宣傳海報，記低各個活動嘅舉行日期同時間，約埋屋企人同朋友一齊出席啦！
@