@ 
葵青十八區國慶樂悠遊活動早前分別喺29/9同13/10出發， 共有430名區內居民參與，共享國慶喜悅 。
每團都為參加對象度身訂造，行程各具特色 ：
歷史深度遊青年團：考古學家以互動形式，向青年介紹啟德車站廣場嘅打卡裝置、九龍城寨同故宮 嘅歷史，絕無悶場，人人讚賞 ！行程後仲有彩蛋，參加者親手製作中國傳統「拓印工藝」，每位都拓出獨一無二嘅紀念品 ，更獲贈福袋。
溫馨親子團：上午先到農莊體驗餵兔仔 同羊仔 等動物，並親子製作傳統美食雞屎藤茶粿！下午除咗去香港文化博物館外，亦到訪啟德車站廣場打卡裝置，了解舊機場歷史；精力無限嘅小朋友，更深深被跳飛機圖案地畫吸引 ，跳到樂而忘返。
綜合家庭團：先參觀青嶼幹線觀景台 ，了解香港基建及物流經濟發展，同時與葵青區全新打卡點 -「葵青Kwai Tsing」字樣立體裝置同地畫打卡拍照。再到流浮山，欣賞后海灣風景。後來再到訪抗日英烈紀念碑、香港文化博物館／前粉嶺裁判法院，了解香港歷史文化，齊齊「樂悠遊」 ！
國慶樂悠遊由葵青民政處同31隊葵青區關愛隊合辦。關愛隊從安排行程細節以至當日帶領參加者，大家各司其職、盡心盡力。葵青民政處亦會繼續與關愛隊及地區持份者合作，「葵」手打造一個多元、年「青」、有活力嘅葵青區。
