@ 
梁顯利油麻地社區中心有全新壁畫登場，現場人頭湧湧，好多市民舉起鏡頭打卡啊！
壁畫原來係「敢動藝術」第三期計劃。計劃發起人、香港體育界慶祝中華人民共和國成立 75 周年籌備委員會副主席兼秘書長霍啟剛 Kenneth Fok議員表示，希望適逢國慶75周年，喺梁顯利油麻地社區中心嘅一幅外牆髹上壁畫，以連繫社區、體育界及藝術界，作為送畀國家嘅一份小小心意。
壁畫係由藝術家杜海銓及其團隊設計，充分展現油尖旺區內特色同體育元素，其中包括油麻地果欄鋪頭、有戲曲元素嘅理髮店、港式小食小販檔及雜貨店；仲有多名香港運動界傳奇人物等。每一部分都可見到設計背後嘅巧思妙想，十分吸睛之餘，亦可畀市民認識區內特色，同時延續奧運後嘅運動熱潮。
收筆禮13/10圓滿完成，油尖旺民政專員余健強喺社區中心歡迎霍啟剛議員、跳水奧運冠軍兼聯合國兒童基金會香港大使郭晶晶、國家隊韻律泳奧運冠軍王柳懿同王芊懿等嘉賓見證壁畫大功告成，仲邀請埋區內學生參與親子同樂日，感受社區發放體育正能量嘅巨大成果。
除此以外，霍啟剛議員、余專員早前(4/10)亦聯同10名油蔴地街坊會學校嘅少數族裔同學及一眾運動員包括劍擊運動員林衍蕙 、武術運動員莫宛螢、空手道運動員李振豪及周曦活 、乒乓球運動員吳穎嵐等，喺藝術家杜海銓帶領下，群策群力發揮力量，一齊為壁畫上色，以體藝連繫社區。
壁畫承載文化藝術界同體育界嘅心意，同賀國慶，祝願國家繁榮富強、香港百業興旺。想知收筆禮同壁畫上色嘅盛況，一齊去片同到留言欄睇相，聽聽霍啟剛議員、余專員、運動員、設計師同埋學生嘅介紹，同埋壁畫背後嘅理念啦！
其實果日，油尖旺仲有其他體育活動，包括：
1. 香港單車節 -- 我哋油尖旺青年網絡成員都有份去喺西九嘅單車嘉年華幫手，同一眾單車節健兒、市民及旅客同樂。
2. 油尖區康樂體育會舉辦嘅”油尖旺、齊運動、賀國慶“ ，有劍擊、匹克球、地壺、芬蘭木棋等畀參加者體驗。
@