屯門區議會參觀建造業創新及科技應用中心裝飾及維修展區

屯門民政專員關可臨15/10同屯門區區議員一齊參觀建造業創新及科技應用中心喺今年7月增設嘅裝飾及維修展區（RMAA Corner）。

導賞團帶大家了解香港裝飾及維修行業嘅市場概況、相關法例及法定要求，同埋籌備大廈維修及家居裝修嘅實用資訊同資源，以便大家有需要時更能夠協助區內居民。展區內亦展示各種有效減低裝修滋擾嘅減塵同埋降噪音工具，以及唔同提升安全嘅裝置。

屯門區區議員把握機會，與建築業議會主席何安誠積極交流意見，希望可以更好咁向屯門區居民推廣做好大廈維修保養信息，等大家都住得更安心。