東區地區主導行動計劃 派發2025年賀年掛曆

仲有唔夠個3月就到2025年啦！東區民政處準備咗賀年掛曆，方便市民計劃來年日程。今年東區吉祥物「東東」仲粉墨登場，喺掛曆上分享每月防蚊滅鼠嘅小貼士，希望幫大家全年全方位有效咁趕走老鼠蚊蟲，保持家居潔淨衞生。

賀年掛曆由15/10開始喺東區民政諮詢中心派發。東區區議員、地區團體、長者鄰舍中心、長者地區中心、綜合家庭服務中心亦會幫手派發賀年掛曆。

提提大家，賀年掛曆數量有限，手快有手慢無㗎！
預祝大家2025年萬事如意，蛇年大吉！