@ 
接種疫苗有助預防季節性流感及其併發症。為方便中西區街坊接種2024/25年度流感疫苗，中西區區議員都陸續推行接種計劃，由註冊護士為大家注射疫苗，仲安排咗健康講座同埋檢查畀參加者。唔少老友記同一家大細到場參與。
10月6日，喺西營盤社區綜合大樓，中西區區議員王倩雯、張宗及吳然就聯合舉辦流感疫苗接種計劃，為受資助人士免費接種季節性流感疫苗；並同香港大學護理學院教授、研究團隊及學生義工合作，加上華潤集團義工隊作現場支援，提供包括量血壓、糖尿病、腦退化及心臟等四項免費檢查服務，保障區內居民嘅健康。
10月20日，香港中西區婦女會、金玲、葉永成、趙華娟、邱松慶、陳建強、馮家亮嘅區議員辦事處亦會喺西營盤社區綜合大樓，邀請腦神經專科及老人科專科醫生舉辦健康講座，為區內居民講解相關健康資訊，並安排免費流感疫苗注射及肺炎鏈球菌疫苗注射。
關愛隊最近進行家訪時，亦有呼籲居民應盡快接種季節性流感疫苗，保障自己健康。大家都可行多一步，齊打疫苗，保護自己。
